ಂದು ಐವ ಪೈಸೆ ಕೊಂರ್ಡ ಎಂಚ? ಐನ್ ರೂಪಾಯಿ ಅವೊಡಾಯಿನೆ. ಸರಿತೂಲೆ ಅಣ್ಣಾ ಅವು ಐನ್ ರೂಪಾಯೇ. ಇತ್ತೆತ ಐವ ಪೈಸೆ ಒವ್? ಐನ್ ರೂಪಾಯಿ ಒವ್? ಪಂದ್ಡ್ ಸರಿಯಾದ್ ಗೊತ್ತಾಪುಜ್ಜಿ’ ಎಂದು ಇತ್ತೀಚೆಗೆ ಮಣಿಪಾಲ ಅಂಗಡಿಯೊಂದರ ಸಮೀಪ ಜನ ಮಾತನಾಡಿಕೊಳ್ಳುತ್ತಿದ್ದರು. ಇಂತಹ ಅನುಭವ ನಿಮಗೂ ಆಗಿರಬಹುದು. ಝಣ...ಝಣ... ಎಂದು ಸದ್ದು ಮಾಡುತ್ತಾ, ಒಬ್ಬರ ಕೈಯಿಂದ ಇನ್ನೊಬ್ಬರಕೈಗೆ ಚಲಾವಣೆಗೊಳ್ಳುವ ಈ ನಾಣ್ಯಗಳು ಇಂದು ಗೊಂದಲ ಸೃಷ್ಟಿಸುತ್ತಿವೆ. ಇದಕ್ಕೆ 2011ರಲ್ಲಿ ಬಿಡುಗಡೆಯಾದ ಹೊಸ ನಾಣ್ಯಗಳೇ ಕಾರಣ.
ಪ್ರತಿ ವರ್ಷವು ಭಾರತೀಯ ರಿಸರ್ವ ಬ್ಯಾಂಕ್ ವಿವಿಧ ಮುಖಬೆಲೆಯ ನಾಣ್ಯಗಳನ್ನು ಮುದ್ರಿಸಿ ಬಿಡುಗಡೆ ಮಾಡುತ್ತದೆ. ಹಿಂದಿನ ವರ್ಷಗಳಲ್ಲಿ ಜಾರಿಗೆ ತಂದ ನಾಣ್ಯಗಳಿಗಿಂತ ಸ್ವಲ್ಪ ಭಿನ್ನ ರೀತಿಯ ನಾಣ್ಯಗಳನ್ನು ಬಿಡುಗಡೆ ಮಾಡುವುದು ಸಾಮಾನ್ಯ. ಆದರೆ ಈ ಸಲ ಚಲಾವಣೆಗೆ ಬಂದ ಒಂದು, ಎರಡು, ಐದು ರೂಪಾಯಿ ಮುಖಬೆಲೆಯ ನಾಣ್ಯಗಳು ಸಾರ್ವಜನಿಕರಲ್ಲಿ ಗೊಂದಲ ಸೃಷ್ಟಿಸುತ್ತಿವೆ. ಯಾಕೆಂದರೆ 2011ರಲ್ಲಿ ಬಿಡುಗಡೆಯಾದ ಎರಡು ರೂಪಾಯಿ ನಾಣ್ಯಗಳು ಗಾತ್ರ ಮತ್ತು ಆಕಾರದಲ್ಲಿ 2002, 2003ರಲ್ಲಿ ಚಲಾವಣೆಗೆ ಬಂದ ಒಂದು ರೂಪಾಯಿ ನಾಣ್ಯಗಳನ್ನು ಹೋಲುತ್ತವೆ. ಹಾಗೇ ಇಂದಿನ ಐದು ರೂಪಾಯಿ ನಾಣ್ಯಗಳಿಗೂ ಕೆಲವು ವರ್ಷಗಳ ಹಿಂದೆ ಚಾಲ್ತಿಗೆ ತರಲಾದ 50 ಪೈಸೆಯ ನಾಣ್ಯಗಳಿಗೂ ಸಾಮ್ಯತೆ ಇದೆ. ಅಂತೆಯೇ 2011ರ ಒಂದು ರೂಪಾಯಿ ನಾಣ್ಯಗಳು ಹಿಂದಿನ ಒಂದು ರೂಪಾಯಿ ನಾಣ್ಯಗಳಿಗಿಂತ ಗಾತ್ರದಲ್ಲಿ ಚಿಕ್ಕದಿದ್ದು, ಮೇಲ್ಮೋಟಕ್ಕೆ 50 ಪೈಸೆಯಂತೆ ಭಾಸವಾಗುತ್ತದೆ.
ಹೆಚ್ಚು ಜಾಗೃತೆ ಅನಿವಾರ್ಯಈ ಹಿಂದೆ ಬೇರೆ ಬೇರೆ ಮುಖಬೆಲೆಯ ನಾಣ್ಯಗಳ ಒಂದು ಮುಖದಲ್ಲಿ ಅಶೋಕಸ್ತಂಭ (ಸಿಂಹದ ಮುಖ)ದ ಚಿತ್ರ ಕಡ್ಡಾಯವಾಗಿ, ಇನ್ನೊಂದು ಮುಖದಲ್ಲಿ ನಾಣ್ಯದ ಬೆಲೆ ಹಾಗೂ ಬೇರೆ ಬೇರೆ ಚಿತ್ರಗಳನ್ನು ಮುದ್ರಿಸುತ್ತಿದ್ದರು. ಆದರೆ ಇಂದು ಎಲ್ಲ ಮುಖಬೆಲೆಯ ನಾಣ್ಯಗಳ ಒಂದು ಬದಿಯಲ್ಲಿ ಅಶೋಕಸ್ತಂಭದ ಚಿತ್ರ, ಇನ್ನೊಂದು ಬದಿಯಲ್ಲಿ ನಾಣ್ಯದ ಬೆಲೆ ಹಾಗೂ ರೂಪಾಯಿ ಚಿಹ್ನೆ (`
) ಯನ್ನು ಪ್ರಕಟಿಸುತ್ತಾರೆ. ಇದರಿಂದ ನಾಣ್ಯಗಳನ್ನು ನೋಡದೆ ಹಿಂದಿನಂತೆ ಕೈಯಲ್ಲಿ ಹಿಡಿದ ತತ್ಕ್ಷಣ ಅದರ ಮುಖಬೆಲೆ ಎಷ್ಟೆಂದು ಹೇಳುವುದು ಕಷ್ಟ. ಅಲ್ಲದೆ ಚಿಲ್ಲರೆ ಕೊಡುವ ಸಂದರ್ಭ. ಹೆಚ್ಚು ಜಾಗೃತೆ ವಹಿಸ ಬೇಕಾದದ್ದು ಅನಿವಾರ್ಯ.
50 ಪೈಸೆ, ಒಂದು, ಎರಡು, ಐದು ರೂಪಾಯಿಗಳ ನಾಣ್ಯಗಳು ಅದರದ್ದೇ ಆದ ಆಕಾರ ಮತ್ತು ಗಾತ್ರಗಳಂದಾಗಿ ಜನರಿಗೆ ಕಣ್ಣಿನಲ್ಲಿ ನೋಡದೆ ಕೈಯಲ್ಲಿ ಹಿಡಿದ (ಮಟ್ಟಿದ) ತತ್ಕ್ಷಣ ಗುರುತಿಸಲು ಸಾಧ್ಯವಾಗುತ್ತಿತ್ತು. ಆದರೆ 2011ರಲ್ಲಿ ಚಲಾವಣೆಗೆ ಬಂದ ಒಂದು, ಎರಡು, ಮತ್ತು ಐದು ರೂಪಾಯಿ ನಾಣ್ಯಗಳ ಆಕಾರ, ಗಾತ್ರ ಮತ್ತು ರೂಪದಲ್ಲಿಯೂ ಬದಲಾವಣೆಗಳಾಗಿರುವುದರಿಂದ ಜನರು ದೈನಂದಿನ ವ್ಯವಹಾರಗಳಲ್ಲಿ ನಾಣ್ಯಗಳನ್ನು ಬಳಸುವಾಗ ಗೊಂದಲಕ್ಕೀಡಾಗುತ್ತಿದ್ದಾರೆ. ಸಾಮಾನ್ಯ ಜನರೆ ಈ ಹೊಸ ನಾಣ್ಯಗಳನ್ನು ಗುರುತಿಸುವಲ್ಲಿ ಎಡವುತ್ತಿರುವಾಗ, ವೃದ್ಧರ, ದೃಷ್ಟಿ ದೋಷವಿರುವವರ, ಕೈಯಲ್ಲಿ ಮುಟ್ಟಿ ನೋಡಿಯೇ ನಾಣ್ಯಗಳ ಮುಖಬೆಲೆ ಗುರುತಿಸುವ ಅಂಧರ ಪಾಡೇನು?
ಕಾಲ ಸರಿದಂತೆ ಬದಲಾವಣೆಗಳು ಎಲ್ಲ ವಸ್ತು, ಕ್ಷೇತ್ರಗಳಲ್ಲೂ ನಡೆಯಬೇಕಾದ್ದು ಅತ್ಯಗತ್ಯ. ಹಾಗೇ ನಾಣ್ಯಗಳಲ್ಲೂ ಬದಲಾವಣೆಗಳಾಗಲಿ. ಹೊಸ ನಾಣ್ಯಗಳನ್ನು ಮುದ್ರಿಸುವಾಗ ಬಳಸುವ ಲೋಹ, ಚಿತ್ರಗಳಲ್ಲಿ ಬದಲಾವಣೆ ಮಾಡಿದೂ ಚಿಹ್ನೆ, ಆಕಾರ, ಗಾತ್ರಗಳಲ್ಲಿ ವ್ಯತ್ಯಾಸ ಮಾಡದೆ, ಅದೇ ಮುಖಬೆಲೆಯ ಈ ಹಿಂದೆ ಚಾಲ್ತಿಗೆ ಬಂದ ನಾಣ್ಯಗಳಂತೆ ಮುದ್ರಿಸಿದರೆ ಉತ್ತಮ. ಇದರಿಂದ ಹೊಸ ನಾಣ್ಯಗಳ ಬಗ್ಗೆ ಸಾರ್ವಜನಿಕರಲ್ಲಿ ಉಂಟಾಗುವ ಗೊಂದಲವನ್ನು ಸ್ವಲ್ಪ ಮಟ್ಟಿಗೆ ತಡೆಯಬಹುದು.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ